Хятадын зүүн хойд Зилинь мужид энэ шувууны томуугийн H7N9 вирусээр хүн өвдсөн эхний тохиолдол бүртгэгдэв гэж Синьхуа мэдээллээ.
Уг вирусээр Тунхуа хотын 34 настай эрэгтэй өвчилсөн бөгөөд одоо биеийн байдал нь хүнд, эмнэлэгт тусгаарлагдан эмчлүүлж байгаа ажээ. Дэлхийн эрүүл мэндийн байгууллагын мэдээгээр шувууны томуу гэдэг нь онцын шинж тэмдэггүйгээр өвчилдөг шувууны вирусийн хурц халдварт өвчин юм. Энэ өвчний вирус нь өөр өөр төрөл дамжин өвчлүүлэх чадвартай гэнэ.
Хятадад вирусийн H7N9 өвчинөөр хамгийн анх хүн өвчилсөн тохиолдол 2013 онд бүртгэгдсэн байдаг. Өнгөрсөн өвөл энэ өвчнөөр Хятадад нийт 458 хүн халдвар авснаас 160 нь энэ өвчинөөр өвчилсөн байжээ.