Орон нутаг, дүүргийн эмнэлгүүд эрт илрүүлэг, үзлэг шинжилгээг хүний нөөцдөө тулгуурлан өөр өөр багцаар хийж байна.
Эрүүл мэндийн байгууллагынхан сэтгүүлчидтэй хийсэн уулзалтын үеэр НЭМҮТ-ийн төлөөлөл энэ тухай дараах тайлбарыг өгсөн юм.
Тодруулбал “Хөвсгөл, Орхон, Завхан, Дархан-Уул, Төв аймагт эрт илрүүлгийн хамрагдалт хамгийн өндөр байгаа бол Сүхбаатар, Говьсүмбэр, Дундговь, Ховд, Архангай аймагт хамрагдалт бага байгаа. Тухайн аймаг орон нутаг нь өөрөө хүний нөөц тоног төхөөрөмж, хүн ам зүйн бүтцээсээ хамаарч өөр, өөр багцаар үзлэг шинжилгээгээ хийж байгаа.
Тухайлбал, Сүхбаатар аймаг тоног төхөөрөмжийн шаардлагатайгаа уялдуулан ходоодны дурангүй багцаасаа буюу 18-30 насныханд үзлэг шинжилгээгээ эхэлж байна. Харин зарим аймаг ходоодны гурван дурантай буюу тоног төхөөрөмж нь хангалттай тул 31-ээс дээш насныханд илрүүлэг, оношилгоог хийж байна.
Өөрөөр хэлбэл, тус аймаг, дүүргийн эрүүл мэндийн газар, эрүүл мэндийн төвүүд хүний нөөц дээрээ тулгуурлан зохион байгуулалтаа хийж байна” гэлээ.