Өнөөдөр Монголын хуульчдын холбооны Тамгын газрын дарга Ш.Жолбарс, Хуулийн мэргэжлийн шалгалт зохион байгуулах комиссын гишүүн Н.Туяа нар хуульчийн мэргэжлийн шалгалтын талаар хэвлэлийн бага хурал хийлээ.
Энэхүү шалгалтыг 2016 оноос албан ёсоор авч эхэлсэн бөгөөд шалгалт өгдөг эрх зүйчдийн тоо олон байдаг хэдий ч тэнцсэн хуульчид цөөн байдаг байна. Шалгалтын үр дүнг статистик байдлаар авч үзэхэд:
|
Он |
2016 |
2017 |
2018 |
|
Бүртгүүлсэн шалгуулагчид |
1325 |
998 |
1005 |
|
Тэнцсэн шалгуулагчид |
154 |
229 |
240 |
Эндээс үзэхэд эрх зүйчдийн мэдлэг чадвар муу байгааг харуулж байгаа аж. Тиймээс хуульчдад тавигдах шаардлагыг өндөр болгож энэ жилийн шалгалтыг 2019 оны наймдушаар сарын 21-23-ны өдрүүдэд зохион байгуулахаар болжээ.
Бүртгэлийн хугацаа зургадугаар сарын 7-ноос долдугаар сарын 21-ний өдрийн 00:00 цаг хүртэл үргэлжлэх юм байна. Бүртгэлийг https://burtgel.mglbar.mn цахим хаягаар явуулна. Шалгалтыг сорилго, бодлого гэсэн дарааллаар авна. Сорилын шалгалт нь 200 асуултаас бүрдэх бөгөөд үргэлжлэх хугацаа 200 минут, бодлогын шалгалтад нэг бодлогыг бодох хугацаа 150 минут байна.
Мэргэжлийн шалгалт өгөх эрхийг магадлан итгэмжлэгдсэн хууль зүйн их дээд сургууль төгссөн бакалаврын дипломтой, хуульчийн мэргэжилийн дадлага 2 жилээс дээш хийсэн байх шаардлагатай. Ингэхдээ дадлагыг шүүгч, поркурор, өмгөөлөгчийн туслах, нотариаторын туслах, УИХ-ын туслах, төрийн болон төрийн бус байгууллагын хууль зүйн асуудал эрхэлсэн ажилтнаар хийсэн тохиолдолд шалгалт өгөх юм.
Ч.СУУРИА