Өнгөрсөн оны есдүгээр сард Долоон буудлын замд Сэлэнгэ аймгийн Цагдаагийн газрын “СЭҮ 00-23” улсын дугаартай машин урсгал сөрж, хурд хэтрүүлэн яваад 12 настай охиныг дайрч, амь насыг нь хохироосон харамсалтай хэрэг гарсан билээ. Тэгвэл Эрүүгийн хэргийн анхан шатны I шүүхэд Сэлэнгэ аймгийн цагдаагийн алба хаагч Ц.Ууганбаатарт холбогдох хэргийн шүүх хурал болло. Шүүх бүрэлдэхүүн хэргийг шүүн хэлэлцээд 12 настай охиныг дайрч амь насыг нь хохироосон шүүгдэгч Ц.Ууганбаатарт дөрвөн жилийн хорих ял оногдуулжээ.