Эх үрсийн баярыг угтаж Дорноговь аймгийн Сайншанд сумын тавдугаар сургуулийн 11в ангийн сурагч Б.Нармандах санаачлан хүүхдийн оролцооны байгууллагын сурагчид, найз нараа уриалж аймгийн төв цэцэрлэгт хүрээлэнг цэвэрлэж, хог хаягдлыг түүж, сандал сүүдрэвч зэргийг будсан байна. Тэдний ажлыг дэмжиж Сайншанд сумын ЗДТГ-аас хүүхдүүдэд хоол хүнс авчирч өгсөн бол Хот тохижилтын газраас шаардлагатай будаг, багаж хэрэгслээр хангажээ. Өсвөр насны хүүхдүүд төв цэцэрлэгт хүрээлэнгийнхээ тохижилтын ажлыг дуусгаж, өнөөдөр хүлээлгэн өгөх юм байна.