Нийслэлийн мэргэжлийн хяналтын газар Баянгол дүүрэг дэх худалдаа үйлчилгээний төвүүдэд хяналт шалгалт хийлээ.
Шалгалтаар МВС ХХК-ний Барс-2 худалдааны төв, Хар хорин худалдааны төв, Батсервис ХХК-ний Орхон худалдааны зах, ЕМарт худалдааны төвүүдэд хүнсний бараа бүтээгдэхүүн түгээж буй тээврийн хэрэгсэлийг хамруулсан байна.
Энэ үеэр эрүүл ахуйн орчин бохир, цэвэрлэгээ хийгддэггүй, түгээлт хийхээс өмнө ариутгал халдваргүйтгэл хийгддэггүй, баримт байхгүй, түгээлтээр явж буй хүмүүсийн ажлын хувцас, хамгаалах хэрэгсэл хангалтгүй, халдвар хамгааллын хувцас, бээлий, малгай, гар ариутгах ариутгалын бодисгүй, эрүүл мэндийн урьдчилан сэргийлэх үзлэгт хамрагдаагүй, хүнсний бүтээгдэхүүн тээвэрлэдэг сагс, сав хайрцаг нь угаалга цэвэрлэгээ хийдэггүй бохир, халдвар хамгааллын дэглэм баримтлаж ажилладаггүй нийтлэг зөрчлүүд илэрч байна.
Дээрхи зөрчлийг үндэслэн холбогдох хууль, дүрэм, захирамжийн дагуу арга хэмжээ тооцож ажиллажээ.