Самбуугийн гудамж буюу Хүнсний нэгдүгээр дэлгүүрийн уулзвараас зүүн тийш Чингис хаан музейн уулзвар хүртэлх авто замыг хучиж, хэвтээ тэмдэглэл хийж дуусжээ.
Одоогоор гол болон туслах замыг засаж, шинэчлэх ажил үргэлжилж байна гэж Нийслэлийн Сургалт, судалгаа, олон нийттэй харилцах газраас мэдээллээ.
Сануулахад, 2022 оны зам засвар, арчлалтын хүрээнд Ж.Самбуугийн гудамж буюу Гэсэр сүмийн уулзвараас Чингис хааны музейн зүүн уулзвар хүртэлх авто замын засвар, шинэчлэлийн ажил зургаадугаар сарын 27-нд эхэлсэн. Тус замыг
- Гэсэр сүмийн уулзвараас Хүнсний 1-р дэлгүүрийн уулзвар хүртэл
- Хүнсний 1-р дэлгүүрийн уулзвараас Чингис хааны музейн зүүн урд талын уулзвар хүртэл гэсэн хоёр хэсэгт хуваан шинэчилж буй юм.