НИТХ-ын Тэргүүлэгчдийн тогтоолоор энэ сарын 20-ноос дөрөвдүгээр сарын 20-ныг хүртэлх том оврын болон хүнд даацын автомашины хөдөлгөөнийг хязгаарлалаа. Энэ хугацаа нь гэсэлтийн үе байдаг учраас зам, хөрс амархан эвдрэх талтай байдаг гэнэ. Тиймээс жингийн шаардлага хангасан ачааны авто машинууд Нийтийн тээврийн газраас зөвшөөрөл авч замын хөдөлгөөнд оролцож болно. Хэрэв зохих зөвшөөрөлгүй жингийн шаардлага хангаагүй байж замын хөдөлгөөнд оролцвол хуульд заасны дагуу арга хэмжээ тооцно гэв.