Канад улсад 2015 оны хөлбөмбөгийн эмэгтэйчүүдийн дэлхийн аваргын тэмцээн энэ сарын 6-наас долдугаар сарын 5-ны өдрүүдэд үргэлжилнэ.
Долоо дахь
удаагийн бүсгүйчүүдийн дэлхийн цомд Канад, Бразил, Франц, Герман, Япон,
АНУ, Англи, Голланд, Норвеги, Испани, Швед, Швейцарь, Камерун, Зааны
Ясан Эрэг, Нигери, Коста Рика, Мехсик, Шинэ Зеланд, Австрали, БНХАУ,
БНСУ, Тайланд, Колумб, Эквадорын шигшээ баг оролцож байгаа билээ.
“Канад
2015” тэмцээний шөвгийн 16-д БНХАУ-Камерун 1:0, АНУ-Колумб 2:0,
Герман-Швед 4:1, Франц-БНСУ 3:0, Австрали-Бразил 1:0, Япон-Голланд 2:1,
Англи-Норвеги 2:1, Канад-Швейцарийг 1:0-ээр тус тус хожсон.
Мөн шөгийн наймд БНХАУ-АНУ, Герман-Франц, Австрали-Япон, Канад-Английн шигшээ оноолт таарсан байна.
Энэ удаагийн
тэмцээнд хүчирхэг багууд шөвгийн 16-гаас хасагдсан нь дуулиан дэгдээлээ.
Тухайлбал дэлхийн аваргаас 1995 онд алт, 1991 онд мөнгөн медаль хүртэж
байсан Норвеги, 2007 онд мөнгө, 1999 онд хүрэл медаль авсан Бразил, 2003
оны мөнгө, 1991, 2011 оны хошой хүрэл медальт Шведийн бүсгүйчүүд шилдэг
наймын тоонд багтсангүй.
Хөлбөмбөгийн эмэгтэйчүүдийн дэлхийн аваргаас медаль хүртсэн орнууд
