“Өдрийн сонин”-ы сурвалжлагч Э.Хүрэлбаатар Архангай аймгийн Өндөр-Улаан сумын Хануйн баригадад ажиллаад ирлээ. Тэрбээр баригадын төвийн хүүхнүүдтэй “Марта-8”-ны баярыг ёстой нэг зад тэмдэглэсэн сурагтай. Тас тас инээх хөдөөгийн бүсгүйчүүлийн хөөр баяртай, хөгжилтэй, сонирхолтой адал явдлуудыг “Өдрийн сонин”-ы пүрэв гаригийн дугаараас эхлүүлэн уншаарай.
Хангай нутгийн жавар хацар чимчигнүүлсэн хасах 30 хэмийн хүйтэнд манай сурвалжлагч хөдөөгийн амьдралыг нэгд нэггүй сурвалжилсан байна. Баригадын төвийн “Улаан булан”-д залуус хэрхэн цэнгэн хөгжилдөж байгаа талаар, ангийнхаа зууханд мод хийн галаа өрдөх сурагчид эрдэм номд хэрхэн шамдан суралцаж байгаа тухай сонирхолтой сурвалжлага маргаашнаас уншигчдын хүртээл болно.
Хөдөө нутгийн жаргалтай, тэнүүн сайхан амьдралын зураглалыг зөвхөн “Өдрийн сонин”-оос тольдоорой.