Онцгой байдлын ерөнхий газраас төв, орон нутгийн Онцгой байдлын байгууллагын хөдөлмөр хамгаалал, аюулгүй ажиллагаа, техник хэрэгсэл хариуцсан мэргэжилтнүүдийн сургалтыг цахимаар зохион байгууллаа.

ургалтаар хөдөлмөрийн аюулгүй байдал, эрүүл ахуйн хууль, олон улсын хөдөлмөрийн эрүүл мэнд аюулгүй байдлын ISO 45001:2018 стандарт, обьектын болон ой, хээрийн түймэр унтраах үеийн аюулгүй ажиллагаа, техник, тоног төхөөрөмжийн ашиглалт, хадгалалт, хамгаалалт аюулгүй байдал зэрэг сэдвийн хүрээнд мэдээлэл хийсэн юм.

Мөн гамшиг ослын үед ажиллах алба хаагчдын болон тоног төхөөрөмжийн аюулгүй ажиллагааг хэрхэн хангах чиглэлээр сургалтыг явууллаа гэж Онцгой байдлын ерөнхий газраас мэдээллээ.

Онцгой байдлын ерөнхий газраас Монголын цахим институттэй хамтран зохион байгуулж байгаа Хөдөлмөрийн аюулгүй байдал, эрүүл ахуйн мэдлэг олгох “ХАБЭА-18” сургалт эхэллээ.

Сургалтад төв, орон нутгийн Онцгой байдлын газрын хөдөлмөрийн аюулгүй байдал, эрүүл ахуйн асуудал хариуцсан 30 орчим алба хаагч хамрагдаж байна.

Сургалтыг Монголын цахим институтийн сургагч багш нар удирдан явуулж, хөдөлмөрийн аюулгүй байдал, эрүүл ахуйн менежментийн систем, удирдлагын тогтолцоо, шаардлага, баримт бичиг боловсруулах сэдвийн хүрээнд мэдээлэл өгөх юм.

Мөн гамшиг ослын үед ажиллах алба хаагчдын болон тоног төхөөрөмжийн аюулгүй ажиллагааг хэрхэн хангах чиглэлээр сургалтыг зохион байгуулна.

Тус сургалт энэ сарын 05-ныг хүртэл үргэлжилж, сургалтанд хамрагдсан алба хаагчдад сертификат гардуулах юм гэж Онцгой байдлын ерөнхий газраас мэдээллээ.