АНУ, БНХАУ-ын төлөөлөгчид ирэх нэгдүгээр сарын эхний долоо хоногт Вашингтон хотноо худалдааны хэлэлцээнд гарын үсэг зурах төлөвлөгөөтэй байгаа талаар ВВС мэдээлжээ. Тодруулбал, хоёр улсын хоорондын худалдааны гэрээг сайд нарын түвшинд хэлэлцэж үзэглэх гэнэ.
Бичиг баримтад гарын үсэг зурах тус ажиллагаанд хоёр орны удирдагчид оролцохгүй юм байна. АНУ-ын Худалдааны төлөөлөгч Роберхт Лайтхайзерын мэдэгдсэнээр саяхан хоёр талын төлөөлөгчид Хятадын зарим нэр төрлийн бараанд тавьсан импортын татвараа бууруулахаар тогтсон. АНУ-ын тал Хятадын эсрэг худалдааны шинэ тариф тогтоохоор хэлэлцсэн. Нийт 360 тэрбум ам.долларын үнэ бүхий бараанд 25 хувийн татвар ногдуулахаар төлөвлөсөн. Гэвч талууд харилцан буулт хийсэн аж. Улмаар Хятадын 250 тэрбум ам.долларын үнэ бүхий бараа бүтээгдэхүүнд 25 хувийн импортын татвар ногдуулах хэвээр байгаа юм. Харин 120 тэрбум ам.долларын бараа бүтээгдэхүүнд 7.5 хувийн татвар ногдуулах гэнэ.
АНУ-ын худалдааны төлөөлөгч Р.Лайтхайзерын онцолсноор 120 тэрбум ам.долларын бараанд 15 хувийн татвар ногдуулах байсныг бууруулж, 7.5 хувь болгосон хэмээн тодотгожээ. Саяхан АНУ-ын эрх баригчид татварын нэмэлт хуулиа баталсан аж. Энэ нь 2018 оны хавар эхэлсэн хоёр улсын хоорондын худалдааны дайны хамгийн хүнд цохилтын нэг болох байсан гэж шинжээчид онцолж байж.
Ямартаа ч эхний ээлжинд талууд ийнхүү буулт хийснээр ирэх онд болох АНУ-ын ерөнхийлөгчийн сонгуулиас өмнө багтааж талууд хоёр дахь шатны хэлэлцээ ийн явуулах гэнэ.