Арванхоёрдугаар сарын 29-нөөс нэгдүгээр сарын 2-ныг хүртэл өрхийн эрүүл мэндийн төвүүд 10.00-16.00 цагийн хооронд ажиллана. Мөн дүүргийн эрүүл мэндийн төвийн гэмтэл, мэс засал, дотор, шүдний кабинетууд, Шүд эрүү нүүрний төвүүд мөн дээрх цагийн хуваариар ажиллах аж.
Шинэ жилийн баяр, амралтын өдрүүдийг тохиолдуулан Онцгой байдлын ерөнхий газрын даргын А/444 дүгээр тушаалаар өчигдрөөс албаны өндөржүүлсэн бэлэн байдлын зэрэгт шилжлээ. Албаны өндөржүүлсэн бэлэн байдал 2019 оны нэгдүгээр сарын 02-ны өдрийн 09.00 цаг хүртэл үргэлжилнэ.
“Улаанбаатарын мөнгөн шөнө” шинэ жилийн баярын үйл ажиллагаа өндөрлөхөд Улаанбаатар хотын 18 чиглэлд 18 автобус Д.Сүхбаатарын талбайн баруун, зүүн болон урд зогсоол буюу дараах зурагт тэмдэглэсэн “А”, “B”, “С” зогсоолоос суурьшлын цэгүүд рүү иргэдэд үнэ төлбөргүй үйлчлэхээр болсон байна.
“Хар хорин” худалдааны төв: Арванхоёрдугаар сарын 31-нд 10:00-19.00 цаг хүртэл ажиллана, 2019 оны нэгдүгээр сарын 01-нд амарна
“Нарантуул” худалдааны төв: 31-ний өдөр 10:00-18:00 хүртэл ажиллана, нэгдүгээр сарын 1-4 хүртэл амарна
“Бөмбөгөр” худалдааны төв: 31-ний өдөр 10:00-16:00 хүртэл ажиллана, нэгдүгээр сарын 1, 2, 3-нд амарна
“Барс” худалдааны төв: Арванхоёрдугаар сарын 31-нд 09:00-19:00 цаг хүртэл ажиллана. 2019 оны нэгдүгээр сарын 01-нд амарна
“Сандэй Плаза” худалдааны төв: Арванхоёрдугаар сарын 31-нд 10:00-20:30 хүртэл ажиллаж, нэгдүгээр сарын 1,2-нд амарна
Хүчит шонхор худалдааны төв: Арванхоёрдугаар сарын 31-нд 06:00-18:00 хүртэл ажиллаж, нэгдүгээр сарын 1, 2-нд амарна
Да хүрээ зах: Арванхоёрдугаар сарын 31-нээс 2019 оны нэгдүгээр сарын 02-ныг хүртэл амарна.
Арилжааны банкууд өнөөдөр ердийн цагийн хуваарийн дагуу ажиллаж 2019 оны нэгдүгээр сарын 01-ны өдөр бүх салбар нэгжүүд амарч 02-ны өдрөөс хэвийн үйл ажиллагаандаа шилжих юм байна. Харин сүлжээ дэлгүүрүүд баярын өдрүүдэд цагийн хуваарийн дагуу ажиллах бол нийтийн хоолны газрууд, баар, ресторанууд нэгдүгээр сарын 01-ны өдөр амарна.