Хан-Уул дүүргийн 15 дугаар хорооны “Рапид харш” хотхоны 3659 иргэнээс КОВИД-19 халдварын шинжилгээ авахад 12 хүнээс халдвар илэрлээ.
Голомтын эцсийн халдваргүйтгэлийг нийт 24-н байр, 12 объектын 88.000 м.кв талбайд 2 удаа давтан ариутгал хийж аюулгүй болгосон байна.
Гуравдугаар сарын 20-ны өдрийн 11:00 цагаас 130-р сургуулийн байранд “Рапид харш” хотхоны 50-69 насны ахмадууд болон хөгжлийн бэрхшээлтэй нийт 880 иргэнийг тус тус халдварын эсрэг дархлаажуулалтад хамруулж байна гэж Хан-Уул дүүргийн Онцгой комиссоос мэдээлэв.