Өнгөрсөн лхагва гаригт Архангай, Булган аймгийн нутаг дэвсгэрийг хамарсан түр зуурын хүчтэй салхи шуурга гарч, аянга, дуу цахилгаантай аадар бороо орсон билээ. Байгалийн түр зуурын үзэгдлээс болж Эрдэнэт, Булганы 110 кВ-ын цахилгаан дамжуулах агаарын шугамын 14 төмөр бетон тулгуур хугарч унан, ослын улмаас 20 гаруй айлын гэр, хашаа нурж, нэг айл усанд автан, 800 гаруй бог мал хорогдсон.
Тэгвэл байгалийн гамшигт өртөж орон гэргүй болсон таван иргэнд Орхон аймгийн Засаг даргын тамгын газар, “Эрдэнэт үйлдвэр” ХХК-аас иж бүрэн монгол гэр өгсөн байна. Тусламжийн гэрийг тус нутгийн Онцгой байдлын газрын алба хаагчид барьж өгчээ. Цаашид 20 айлд гэр шаардлагатай байгаа гэнэ.