Баянгол дүүрэгт нэр, хаяг
нь тодорхойгүй сауны газарт зургаан эмэгтэйг хүчээр биеийг нь
үнэлүүлж байсныг Эрүүгийн цагдаагийн албаныхан илрүүлсэн байна. Хэрэгт
холбогдуулан сауны эздийг шалгаж эхлээд байгаа бөгөөд биеэ үнэлж байсан
зургаан эмэгтэйн гурав нь насанд хүрээгүй, нэг нь жирэмсэн байсан
нь шалгалтаар тогтоогджээ. Сауны эздийг Эрүүгийн хуулийн 13.1 дүгээр
зүйлийн 13.1.2.1 дэх хэсэгт зааснаар буюу хүн худалдаалах гэмт хэрэг үйлдсэн
гэж сэжиглэн, шалгаж байна.