Ховд аймгийн Засаг дарга Д.Галсандондог өөр ажилд томилогдсонтой холбогдуулан, аймгийн ИТХ-аас түүнийг үүрэгт ажлаас нь чөлөөлж, Б.Дүгэржавыг Засаг даргаар томилуулах саналыг Монгол Улсын Ерөнхий сайдад өргөн мэдүүлээд байсан.
Ерөнхий сайд У.Хүрэлсүх захирамж гаргаж, Б.Дүгэржав өнгөрсөн долоо хоногийн Баасан гаригт Ховд аймгийн Засаг даргын үүрэг ажлаа хүлээн авсан байна. Засаг даргаар томилогдсон Б.Дүгэржав нь аймгийн Боловсрол соёлын газрын дарга мөн хувийн хэвшилд барилгын компанийн захирлын алба тус тус хашиж байсан аж.
Аймгийн Засаг даргын орлогч Ш.Батсүх Засаг даргаар томилогдсон Б.Дүгэржавт аймгийн Засаг даргын болон Баруун бүсийн зөвлөлийн тамга, тэмдгийг албан ёсоор гардуулж өгсөн байна.