Ховд аймгийн Ховд сумын Баянбулаг багт тогтоосон хорио цээрийн дэглэмийг цуцалсан тухай ОБЕГ-аас мэдээллээ. Тодруулбал тус багийн Салон гэдэг газар оторлож буй Жаргалант сумын Рашаант багийн малчин Т-н 40 ямаанд халдварт өвчний шинж тэмдэг илэрсэн юм. Өвчилсөн малаас дээж авч Улсын мал эмнэлэг, ариун цэврийн төв лабораторид шинжлүүлэхэд “Ямааны цэцэг” өвчин болох нь тогтоогдсон. Үүний дагуу Ховд сумын Засаг даргын захирамжаар өнгөрсөн сарын 23-ноос хорио цээрийн дэглэм тогтоосон билээ. Хорио цээрийн дэглэмийн хугацаанд нэмж мал өвчлөөгүй тул захирамжийг ийнхүү цуцалсан байна.
Categories