Энэ онд нийслэлийн төсвөөр хийгдэх зам засварын ажлуудыг баталжээ. Нийслэлийн Засаг дарга Э.Бат-Үүл “Хөрөнгө оруулалтын ажлыг зохион байгуулах тухай” захирамж гаргасан байна. Захирамжийн дагуу нийслэлийн төсвийн хөрөнгөөр 2015 онд санхүүжих авто зам, замын байгууламжийн ажлын жагсаалтыг баталжээ.
Нийслэлийн төсвийн хөрөнгөөр доорх хүснэгтэд жагсаасан авто замыг шинэчилж, засварлах аж. Тухайлбал, Дамбадаржаагийн уулзвар – Шарга морьтын төмөр бетон гүүр- Хандгайтын чиглэлийн 16.35 км авто зам, Сонсголонгийн гүүрээс Яармагийн зам хүртэлх гэр хорооллын арын авто зам, Улиастай-Гачууртын чиглэлийн 11 км авто зам, Монел орчмын 0.8 км авто замыг засах юм байна.