Өчигдөр УОК-оос ээлжит шийдвэрээ танилцуулсан нь сүүлийн 10 гаруй хоног хаагдаад байсан хоолны газруудын үйл ажиллагааг үргэлжлүүлэн хязгаарлах шийдвэр байлаа. Олон удаагийн хөл хорионд боогдож, ашиг орлогогүй тэг зогсолт хийгээд байсан зарим АНН-үүд УОК-ийн шийдвэрийг эсэргүүцэж, цаашид хүлцэнгүй байхгүй гэдгээ мэдэгдээд байна.
Тэгвэл яг одоо хотын дарга Д.Сумъяабазар Монголын ресторан зоогийн газрын холбоо ГҮТББ-ын удирдлагууд, Нийслэлийн Захирагчийн ажлын алба, Нийслэлийн мэргэжлийн хяналтын газар, Нийслэлийн цагдаагийн газрын удирдлагуудтай дээрх асуудлаар уулзалт хийж байгаа аж.