Монголын Хөлбөмбөгийн Холбооны цом 2016 тэмцээний 2016.10.11ны өдрийн 15:00 цагийн хагас шигшээ тоглолт болох “Дэрэн” болон “Хоромхон” багуудын тоглолтын үеэр Хоромхон багийн зарим тоглогчид болон албаны хүмүүс шүүгчийн бүрэлдэхүүнийг хэл амаар дормжилж, спортын бус авир гаргасан байна. Тухайлбал Хоромхон багийн эмч Н.Болор-Эрдэнэ нь талбайн 1-р туслах шүүгч Т.Галдансүхийн биед нь ноцтойгоор халдсан нь нотлох баримтаар нотлогдож байгаа тул Монголын Хөлбөмбөгийн Холбооны Онцгой байдлын хороо 2016.10.12ны өдөр хуралдаж дараахи шийдвэрийг гаргалаа..
Үүнд:
-Хоромхон клубыг “Холбооны цом-2016” тэмцээнээс хасаж 5.000.000 төгрөгөөр торгох шийтгэлийг ноогдууллаа.
-Багийн эмч Н.Болор-Эрдэнэд Хөлбөмбөгтэй холбоотой бүхий л үйл ажиллагаанд оролцох эрхийг 24 сараар хасаж 3.000.000 төгрөгөөр торгох шийтгэлийг оногдуулав.
МХБХ-ны Сахилга бат, ёс зүйн дүрэм, Онцгой байдлын хорооны тогтоол болон спортын бус авир гаргасан бичлэгийг холбооны албан ёсны хуудсанд байршуулав.
Баг тамирчид болон албаны хүмүүс Хөлбөмбөгийн холбооны дүрэм журмыг баримталж, fair play зарчмыг дагаж мөрдөхийг уриалж байна.