Энэ сарын 13-нд Хан-Уул дүүргийн нутаг дэвсгэрт халдварт боом өвчин гарсан. Зөвшөөрөлгүй буусан айлын мал боом өвчнөөр өвчилж, улмаар хүнд халдварласнаар тус бүс нутагт хорио цээрийн дэглэм тогтоогоод байсан юм. Тэгвэл уг хорио цээрийн дэглэмийг татан буулгажээ.
Хорио цээрийн дэглэм тогтоосон хугацаанд голомтын бүх малд боом өвчнөөс урьдчилан сэргийлэх ийлдэс, вакцин тарьж, ариутгал, халдваргүйжүүлэлтийг тогтмол хийсэн байна. Мөн нийслэлийн Мал эмнэлгийн газраас бүх малд эмнэлзүйн үзлэг хийжээ. Үзлэгээр сэжигтэй мал илрээгүй учраас хорио цээрийн дэглэмийг цуцалсан байна.