Рио-де-Жанейро хотноо болж буй Олимпийн наадмаас алтан медаль хүртсэн Хойд Солонгосын тамирчны зураг нийгмийн сүлжээнд шуугиан тарив. Интернэт хэрэглэгчид тус улсын гимнастикч олимпийн аварга болсон ихэд гунигтай харагдаж байсныг бичжээ. Олимпийн наадмын алтан медаль гардуулах ёслолын үеэр Хойд Солонгосын тамирчин Ри Се Гван үнэхээр огт баярлаагүй бөгөөд ихэд гунигтай байсан аж. Интернэт хэрэглэгчид “Удахгүй нутаг буцах учраас түүнд ихэд гунигтай санагдсан байх” хэмээн таамаглажээ. Энэ талаар тамирчин Ри Се Гван хэлэхдээ “Олимпийн аварга болсондоо баяртай, би аз жаргалтай байна” гэжээ.