БНХАУ-ын Гадаад хэргийн сайд Ван И өчигдөр Солонгосын хойгт үүсээд буй хурцадмал байдлын талаар хэвлэлийнхэнд мэдээлэл хийжээ.
Сайд мэдэгдлийнхээ эхэнд “Хойд Солонгос улсыг шинэ пуужингийн туршилтад бэлтгэж байгаа” хэмээн мэдэгдэв.
Тэрбээр “Хойд Солонгосын цөмийн хөтөлбөрөөс болж олон улс айдастай байна. Мөн хоёр Солонгосын нөхцөл байдал дайны шинж чанартай байгаа. Хоёр улсын дунд үүсээд буй хурцадмал байдал олон улсыг эмзэглүүлж байна” гэж хэлжээ.
Пхеньян хэдхэн хоногийн өмнө дөрвөн ширхэг пуужин туршсан юм. Шалтгаанаа “Вашингтон, Сөүлийн хамтарсан цэргийн сургуулилтыг эсэргүүцэхээс гадна Японд үйл ажиллагаа явуулж буй АНУ-ын цэргийн баазыг устгах хүчин чадалтай пуужин бий” хэмээн тайлбарласан юм.