БНХАУ-ын Гансу мужийн Жинчан хотоос 40 километрийн зайд, элсэн цөлд хиймэл ангараг гаригийг бүтээж сансрын кэмп байгуулагдсан билээ. C-Space төслийн хүрээнд бүтсэн энэхүү байгууламж нь хиймэл хүлэмж, насосын өрөө, лаборатори, унтлагын болон хоолны өрөөнүүд гэх зэрэг үзүүлэнгүүдээс бүрдэнэ. Хэмжээгээрээ америк хөлбөмбөгийн талбайн тавны нэгтэй тэнцүү.
Хятадууд энэхүү төсөлдөө 2.5 тэрбум юань буюу 374 сая ам.долларын хөрөнгө оруулалт хийхээр төлөвлөж байгаа бөгөөд нийт талбайгаа 67 кв.км болгож томруулна. 2030 он гэхэд жилд хоёр сая жуулчин Улаан нүдэн гариг дээр ирсэн юм шиг мэдрэмж авах болно хэмээн үзэж байгаа гэнэ.
Тэгвэл өчигдөр орон нутгийн дунд сургуулийн 100 орчим сурагч Хиймэл бааз дээр зочилжээ. Энэ үеэр Рютерс агентлагийн зурагчин Томас Петер ажиллаж баазын дэлгэрэнгүй зургийг дэлхий нийтэд танилцуулсан байна.
Сурагчид хиймэл баазтай танилцах аялал хийж буй нь
Сурагчид хиймэл Ангараг гаригийн агуйн гадна
Сансрын хиймэл капсулын дотоод засал
Сансрын хиймэл капсул гадна талаасаа ингэж харагддаг
Баазын ажилтан дуураймал сансрын хувцас өмссөн байгаа нь
Сансрын баазын хооллох өрөө
Сансрын баазын унтлагын капсул
Хиймэл лаборатори
Хиймэл хүлэмжин дэх хиймэл хүнсний ногоо
Хиймэл төмсийг хадгалсан байдал
Сансрын хиймэл капсул
А.МӨНХЗУЛ