Хийлч Ч.Дэлгэрцэцэг энэ сарын 29, 30-нд “Degi 22: Music Visual Concert” бие даасан тоглолтоо Соёлын төв өргөөнд хийхээр болжээ. Түүний энэ удаагийн тоглолтод 22 жилийн туршид бүтээсэн гайхамшигт бүтээлүүд нь эгшиглэгдэх юм.
Тэрбээр 2000 онд “Хэнтийн өндөр ууланд” цомог, 2006 онд “Үлэмжийн чанар” цомог, 2006 онд “Deegii concert in UB” CD, DVD, 2011 онд “Гайхмаараа”, “Амьдрал” зэрэг цомгуудаа гаргасан байдаг. Харин анхны бие даасан тоглолтоо 2006 онд “Degi concert” нэртэйгээр хийсэн бол 2008 онд “Хийлийн эгшиг”, 2009 онд “Монголын тал нутаг”, 2011 онд “Гайхмаараа”, 2013 онд дуучин А.Уянгатай хамтран “Full moon affair”, 2013 онд “Шинэ жилийн шоу тоглолт” нэртэйгээр, 2016 онд 6 дахь бие даасан тоглолтоо “Чайковскийн үдэш” нэртэйгээр тус, тус толилуулж байжээ.