Байлдааны гавьяаны Улаан тугийн одонт, жанжин Д.Сүхбаатарын нэрэмжит Зэвсэгт хүчний 336 дугаар анги 2021-2022 оны сургуулийн жилийн цэргийн сургалт, бэлтгэлийн төлөвлөгөөний дагуу 30 километрийн явган марш, салааны хоногийн сургууль, салааны байлдааны буудлагыг энэ сарын 16-17-нд амжилттай зохион явууллаа.
Энэхүү цэргийн сургалт бэлтгэл нь ангийн офицер, ахлагч, цэргийн гэрээт болон хугацаат цэргийн алба хаагчийн бүрэлдэхүүнтэй өвлийн улиралд хэт хүйтнийг тэсвэрлэн гарах буюу цагийн байдлын хүндрүүлсэн нөхцөлд үүрэг гүйцэтгэхэд сурган дадлагажуулснаараа онцлог юм.
Бие бүрэлдэхүүний үүрэг гүйцэтгэх бэлэн байдлыг хангах, албан тушаалд нь сурган дадлагажуулах, бие бялдар, сэтгэл зүйн бэлтгэлжилтийн түвшинг дээшлүүлэх зорилгоор явагдсан юм гэж Хуурай замын цэргийн командлалаас мэдээллээ.
