Хэвлэл мэдээллийн хэрэгслээр “50 настай эрэгтэйг мөргөж амь насыг нь хохироосон иргэнийг саатууллаа” гарчигтай мэдээ материал цацагдаж байсныг та бүхэн санаж байгаа байх. Тодруулбал, “ЧД-ийн 19 хороо Салхитын замд 2015 оны 02 дугаар сарын 06-ны оройн 21:30 цагийн орчим марк улсын дугаар тодорхойгүй суудлын автомашин явган зорчигч 50 настай эрэгтэй хүнийг мөргөж амь насыг хохироогоод жолооч автомашинтайгаа хэргийн газраас зугтсан ноцтой зам тээврийн осол, хэрэг гаргасныг цагдаагийн байгууллага шуурхай эрэн сурвалжлан илрүүллээ” гэсэн мэдээлэл өнгөрсөн сард гарсан.
Осол гарсаны маргааш нь Ө.Тэмүүлэн гэгч архи уун согтуугаар дээрхи зам тээврийн ослыг гаргасан болохоо цагдаагийн байгууллагад ирж хүлээсэн байна. Одоогоор Эрүүгийн хуулийн 215 дугаар зүйлийн 215.3, 216 дугаар зүйлийн 216.2 дахь хэсэгт зааснаар эрүүгийн хэрэг үүсгэсэн ба тээврийн прокурорын газар хяналт тавин ажиллаж байгаа прокурорын байгууллагаас онцоллоо.