“Хэнз хурга-2022″ хүүхдийн яруу найргийн наадам энэ сарын 16-нд Их зохиолч Д.Нацагдоржийн төрсөн нутаг Төв аймгийн Баяндэлгэр суманд болно.
Энэхүү наадмын зорилго нь орчин үеийн хүүхэд багачуудын нас сэтгэхүйн онцлог болон хэрэгцээнд тохирсон шүлэг бүтээлийг шинээр төрүүлэх, хүүхдийн зохиолчийн шинэ үе, авьяас билэгтнүүдийг нээн илрүүлэх тэдний бүтээлийг уншигч багачуудад түгээх, МЗЭ – ийн Хүүхдийн зохиолын үндэсний төвтэй цаашид хамтран уран зохиолоор дамжуулан хүүхдийн хөгжил, нийгмийн төлөвшилд хувь нэмэр оруулахад оршиж байна.
Уралдаанд оролцох бүтээлүүд нь урьд болсон “Хэнз хурга” болон бусад төрлийн наадамд оролцож байгаагүй, ном товхимолд нийтлэгдээгүй 2020 оноос хойш бичигдсэн шүлэг байх аж.
Хоёр үе шаттай явагдах тус наадмын нэгдүгээр шатанд оролцох зохиолчид тус бүр өөрсдийн бүтээл болох бага дунд насны хүүхдэд зориулсан хоёр шүлгийг МЗЭ-ийн хүүхдийн зохиолын үндэсний төв, Багануур дүүргийн зохиолчдын “Гүн нуур” бүлгэмийн /gunnuur22@gmail.com/ цахим хаягаар болон бичгээр ирүүлж болно.