Хэнтий аймгийн Бор-Өндөр суманд өнөөдөр үргэлжлэн орсон борооны улмаас үеэр буужээ. Энэ талаар тус сумын Онцгой байдлын газраас тодруулахад “Өнөөдрийн бороо 14.59цагаас 16.00 цаг хүртэл үргэлжлэн орсон. Үүний умаас зарим гуу жалга, даваа үертэй байна. Одоогоор хаагдсан зам даваа байхгүй, хүний эд хөрөнгөд хохирол учирсан тохиолдол бүртгэгдээгүй байна. Одоо үерийн ус татарч байна” гэсэн тайлбарыг өглөө.
Бусад аймгуудын нутгаар бороо орох төлөвтэй байна. Тухайлбал, Баруун аймгуудын нутгийн хойд хэсэг, төв болон зүүн аймгуудын нутгийн зарим газраар дуу цахилгаантай бороо орж салхи баруун аймгуудын нутгаар баруун өмнөөс, бусад нутгаар баруун хойноос 7-12 м/с, борооны өмнө түр зуур ширүүснэ гэж Цаг уур орчны шинжилгээний газраас мэдээлж байна.