ХБНГУ-ын
канцлер А.Меркель БНХАУ-д айлчилж байна. Германы Засгийн газрын тэргүүний энэ
удаагийн айлчлалаар хоёр улсын эдийн засгийн салбар дахь хамтын ажиллагааг улам
бүр өргөжүүлэхээр боллоо. Айлчлалын үеэр хоёр тал нийтдээ 18 тэрбум еврогийн
гэрээнд гарын үсэг зурсан юм. Тэдгээрээс хамгийн том нь “Airbus” компанитай
байгуулсан хамтран ажиллах баримт бичиг байлаа. Хятадын тал 15 тэрбум еврогоор
130 ширхэг “Airbus” онгоц худалдан авахаар болсон. Хоёр улсын Засгийн газрын
тэргүүнүүд дээрх гэрээнүүдийг үзэглэсний дараа Бээжин хотын Ардын их хурлын
ордонд хэвлэлийн бага хурал хийлгэсэн байна. БНХАУ-ын Төрийн Зөвлөлийн Ерөнхий
сайд Ли Кэцян мэдэгдэл хийхдээ дэлхий нийтэд тулгамдаад буй асуудлыг шийдэхэд
хамтран арга хэмжээ авч, дэлхий болон бүс нутгийн тогтвортой байдлыг хангах
талаар ярилцсан гэдгийг онцлов. Хамтын ажиллагааны хүчээр харилцан ойлголцлоо
улам бүр гүнзгийрүүлнэ гэдгийг ч хэлсэн байна. Харин ХБНГУ-ын канцлер Хятадын
эдийн засаг цаашдаа нааштайгаар хөгжинө гэдэгт итгэж байгаагаа илэрхийлэв.
Хэвлэлийн бага хуралд оролцсон сэтгүүлчид Хятадын эдийн засаг, шинэ техник
технологийн нэвтрүүлэхэд Герман-Хятад хоёр хэрхэн хамтран ажиллах, Сирийн
хямрал, Европын цагаачлалын бодлого гээд нэлээд асуудлыг хөндсөн байна.
Ю.Дэлгэр