Хаврын морин уралдааны тов эхнээсээ гарч байна. Албан ёсоор зарлаагүй зарим уралдаан шинийн гурванаас эхэлсэн. Одоогийн байдлаар энэ сарын 21-нд Өвөрхангай аймгийн Хайрхандулаан суманд тус аймгийн баруун бүс, Хэнтий аймгийн Өмнөдэлгэр суманд мөн өөрийн аймгийн баруун бүс, Биндэр суманд хойд бүс, Сүхбаатар аймгийн аварга шалгаруулах “Жавхлант шарга”-ын уралдаан, Орхон аймагт “Алдартнуудын баяр” наадам болно.
Түүнчлэн энэ сарын 22-нд Архангай аймгийн Өлзийт суманд “Алтан зуу”-гийн, 28-нд Цагаанхөтөлд “Дүнжингарав” хаврын бүс, Хэнтий аймгийн Галшар суманд тус аймгийн өмнөд бүс, гуравдугаар сарын 1-нд Хэнтий аймгийн “Сэцэнханы хурд”, 5-нд Өвөрхангайд хаврын бүс, 6-нд Орхон аймагт дээд гурван насны уралдаан тус бүр болно.