Сэлэнгэ аймгийн Мандал сумын гуравдугаар багийн нутаг Үтрэмийн нэгдүгээр гудамжинд блокон хашааг “Huyndai elentra” загварын автомашин мөргөсөн осол өчигдөр гарчээ. Хашааны завсар хоёр хүн хавчуулагдсан байна. Тус аймгийн Онцгой байдлын газрын Аврах, гал унтраах 19 дүгээр ангийн есөн алба хаагч ажиллаж 42 настай эрэгтэй хүнд гэмтсэн байсныг гаргаж эмнэлэгт хүргэжээ. Мөн нэр хаяг нь тодорхойгүй эрэгтэй нас барсан байсныг гаргаж цагдаагийн байгууллагад шилжүүлсэн байна. Хэргийг Сэлэнгэ аймгийн Цагдаагийн газарт шалгаж байна.