Японы сүмо бөхийн холбооны тэргүүлэгчдийн хурал энэ сарын 1-нд болж, маэгашира Таканоиваг зодсон хэргээр зодог тайлсан ёкозүна Харүмафүжид олгох мөнгөний талаар хэлэлцлээ. Ёкозүна, озэки цолтой бөх зодог тайлахад холбооноос мөнгөн тэтгэмж өгдөг бөгөөд түрүүлсэн тоо, байгуулсан гавьяанаас нь шалтгаалан, янз бүр байдаг. Холбооноос Харүмафүжид олгох мөнгөн тэтгэмжийн 30 хувийг хасахаар шийдвэрлэжээ.
Яг тодорхой мөнгөн тоо хэлээгүй ч 30-40 сая иэн хасагдах тул Харүмафүжид 70 сая иэн олгох болов уу гэж шинжээчид үзэж байна.
25 удаа түрүүлсэн их аварга Асашёорюү зодог тайлахад 120 сая иэнийн мөнгө олгож байсан билээ.