Японы Осака хотноо болж буй мэргэжлийн сумогийн Хаврын тэмцээн Хару башёгийн 14 дахь өдрийн барилдаанд Их аварга Какүрюү М.Ананд, Озэки Гойэдог давснаар Түрүү бөхөөр тодорч, Японы Эзэн хааны цомыг 4 дэх удаагаа хүртэхээр болов.
Тэрбээр 4 жилийн өмнө Их аварга цолтон болж байсан бол энэ өдөр 4 дэх түрүүгээ хүртлээ. Макүүчи буюу дээд зиндаанд хүч үзэж буй манай сумочдоос 12 дахь өдрийн байдлаар Ичиножёо А.Ичинноров 9 даваа, 5 унаатай байна. Харин Тамаваши Б.Мөнх-Оргил 8 даваа 6 унаатай болж тавин хувийн амжилтаа хийлээ.