Өнгөрсөн амралтын өдрүүдэд ихэнх нутгаар их хэмжээний цас орсны улмаас халтиргаа гулгаа үүсч явганаас халтирч хөл, гараа хугалж, гэмтэж бэртсэн хүний тоо эрс нэмэгджээ. Тодруулбал, өнгөрсөн амралтын өдрүүдэд Гэмтэл согог судлалын үндэсний төвд халтирч унаснаас болж хөл, гараа гэмтээж бэртсэн хүний тоо 100 хол давжээ. Ихэнхдээ ахмад насны хүмүүс, мөн өндөр өсгийтэй гутал өмссөн эмэгтэйчүүд гудамж талбайд халтирч гэмтэх тохиолдол нэмэгдсэн байна.
Мөн гулгааны улмаас гарцаар гарч буй иргэдийг автомашин шүргэсэн 20 гаруй дуудлага бүртгэгджээ. Тухайлбал, зам, нийтийн эзэмшлийн гудамж талбайг цэвэрлээгүйн улмаас иргэд халтирч гэмтдэг бол албан байгууллагын шат довжоо гөлгөр плитагаар хийснээс болж халтирч унах явдал их гарч байна. Мөн өөр нэг судалгааг харвал ихэнхдээ эмэгтэйчүүд явганаас гэмтэж бэртдэг байна. Учир нь эмэгтэйчүүд өндөр өсгийтэй гуталтай явдагтай холбоотой. Цас орох үеэр гутал засварын үйлчилгээ нэмэгддэг байна. Өдөрт орж ирж байгаа 10 хүний 8 нь эмэгтэй хүн байдаг гэнэ.
О.ӨНӨР