Японы мэргэжлийн сүмогийн холбооны арваннэгдүгээр сарын башё буюу Кюшү башёгийн найм дахь өдрийн барилдаан эхлэх гэж байна. Өнөөдөр Хакүхо секиваки Мёокирютэй, Харумафүжи, озеки Котошогекү, озеки Кисеносато, маэгаширагийн 3-ээс барилдаж байгаа Тоёоношиматай, Какарю комосүби Точиношинтэй тус тус барилдана.
Өчигдөр Макүүчи буюу дээд зиндааний тэргүүн бөх 69 дэх ёкозүна Хакүхо М.Даваажаргал маэгаширагийн 2-ээс барилдаж байгаа Окиномитэй барилдаж ягуранаги мэхээр долоо дахь учраагаа давж башёг ганцаар тэргүүлж буй. Харин 70 дахь ёкозуна Харумафүжи Д.Бямбадорж комосүби Точиношинтэй барилдаж ёрокири мэхээр давж зургаан даваа нэг унаатай болсон бол 71 дахь ёкозүна Какарю М.Ананд маэгаширагийн 3-ээс барилдаж байгаа Тоёоношиматай барилдаж давсан бөгөөд таван даваа хоёр унаатай болсон юм.