Хошууч Г.Мөнхбаяр: Цагдаагийн албан хаагч автомашинд хүүхэд байгаагүй гэдэг тайлбарыг өгч байгаа DNN.mn

Замын цагдаа өвдсөн бага сартай хүүхдээ эмнэлэгт хүргэхээр явж байсан жолоочийг зогсоож, автомашиныг нь ачуулсан тухай мэдээлэл зарим мэдээллийн сайтад нийтлэгдээд байна. Энэ талаар ЦЕГ-ын Хэвлэл мэдээллийн төвийн мэргэжилтэн, цагдаагийн хошууч Г.Мөнхбаяраас тодрууллаа.

-Халуурсан нярай хүүхдээ тээвэрлэж явсан жолоочийг үнэмлэхний хугацаа дууссан гэх шалтгаанаар хөдөлгөөнийг нь зогсоож, машиныг нь ачуулсан тухай мэдээлэл гараад байна. энэ талаар тодруулахгүй юу?

-Замын хөдөлгөөний аюулгүй байдлын тухай хуульд Монгол Улсын жолоо дох эрх 10 жил бай на. Жолоодох эрхийн үнэмлэхний хүчинтэй хугацаа дуусгавар болсон тохиолдолд жолоочийн эрх хаагдсанд тооцох зохицуулалттай байдаг. Цагдаагийн байгууллага эрх үүргийнхээ хэмжээнд Замын хөдөлгөөний аюул гүй байдлыг хангасан захиргааны хэм хэмжээний актыг хэрэгжүүлэхэд хяналт тавьдаг субьект шүү дээ.

Энэ тухай Зөрчлийн тухай хуульд ч зааж өгсөн. Зөрчлийн тухай хуулийн 14.7-д тээврийн хэрэгсэл жолоодох эрхгүй /жолоодлогын дадлага хийхээс бусад тохиолдолд/, эсхүл тээврийн хэрэгсэл жолоодох эрх нь дуусгавар болсон хүн тээврийн хэрэгсэл жолоодсон бол хүнийг дөрвөн зуун нэгжтэй тэнцэх хэмжээний төгрөгөөр торгоно гэдэг. Тухайн цагдаагийн албан хаагч энэ хуулиа сахиулсан. Хэрэв хуулиа хэрэгжүүлээгүй бол цагдаагийн албан хаагч өөрөө шалгагдах асуудал үүсдэг.

-Ямар тохиолдолд?

-Авлигын тухай хуулиар бусдад давуу байдал олгосон, албан тушаалаа урвуулах гэмт хэргийн шинжтэй үйлдлийг заагаад өгчихсөн. Мэдээж аливаа зүйлд хүн ёсоор хандалгүй яах вэ.

Гэхдээ цагдаагийн хууль сахиулах ажиллагаа өөрөө маш чухал байдаг. Дотроосоо хяналт шалгалт өндөр. Магадгүй, тухайн иргэнийг зөрчлийг нь арилгахгүйгээр явууллаа гэхэд ямар нэгэн байдлаар гомдол мэдээлэл ирж шалгагдахад албан хаагч буруудах магадлалтай.

-Цагдаагийн байгууллага энэ тохиолдол дээр ямар нэгэн хяналт шалгалтын ажиллагаа явуулж байгаа юу. Хүүхэд байсан нь үнэн бол ноцтой шүү дээ. Магадгүй эрүүл мэнд, амь насны асуудал ч яригдана. Ер нь цагдаагийн албан хаагч хүнлэг, энэрэнгүй байх явдал гаргаж болохгүй гэж үү?

-Хууль, дүрэмд энэ тухай заагаагүй шүү дээ. Гэхдээ цагдаагийн албан хаагчид аливаа зүйлд хүнлэг энэрэнгүй хандах, бусдад туслах явдал амьдрал дээр олон байдаг. Энэ тохиолдолд одоогоор буруу, зөвийн тухай ярих хараахан эрт байна. Одоогоор аль аль талаас нь мэдээлэл цуглуулж байна. Энэ мэдээллийг түгээсэн сэтгүүлчийн хувьд автомашинд бага насны хүүхэд зорчиж явсан гэдэг. Харин цагдаагийн албан хаагчийн зүгээс “Жолооч болон гэр бүлийн хүн нь эмнэлгээр хүүхэд үзүүлэх ажилтай явна” гэж тайлбарласан ч тухайн автомашинд хүүхэд байгаагүй. Хэрэв байсан бол ямар ч тохиолдолд хүүхдийг нэгдүгээрт тавина” гэх байдлаар мэдээлэл өгч байгаа. Тиймээс бид энэ нь зөв, буруу гэж хэлэх эрт байна.