Баасан гаригийн шөнө АНУ-ын Кентакки мужид болсон шуурганы улмаас 70 гаруй хүн нас баржээ.
Мөн лааны үйлдвэрт байсан арав гаруй хүн амиа алдсан байна. Одоогоор амиа алдагсдын тоо 100 гаруй болж нэмэгдэх төлөвтэй байна гэж албаны эх сурвалж мэдээлж байна. Яаралтай тусламжийн баг шуурганд өртсөн голомт болох Майфилд хотын үйлдвэрийн нуранга дундуур хайлт хийж байна. “Үйлдвэрт байсан 110 орчим хүнээс 40 гаруй хүнийг аварсан ба эрлийн ажиллагаа үргэлжилж байна” гэж Кентакки мужийн Амбан захирагч Энди Бешиар мэдэгджээ.
Орон нутгийн эрх баригчид маш хүнд нөхцөл байдалтай тулгарсан бөгөөд Мэйфилд дэх цагдаагийн газрын байр, гал сөнөөгчдийн техник хэрэгсэл эвдэрсэн байна. Мөн тус мужийн арван мянга гаруй оршин суугч тог цахилгаан, усгүй байна.
Тус улсын Ерөнхийлөгч Жозеф Байден шуурганд өртсөн АНУ-ын мужуудад хүрч ажиллаж байна. Тэрбээр Холбооны онцгой байдлын гамшгийн тухай тунхаглалд гарын үсэг зурж, хамгийн их хохирол амссан Кентакки мужид цаг алдалгүй хөрөнгө гаргах үүрэг өгчээ.
Жозеф Байден “Холбооны Засгийн газар ард иргэддээ туслахын тулд чадах бүхнээ хийх болно. Бид хамтдаа үүнийг даван туулах болно” гэж мэдэгдээд, гэдгийг онцолжээ.