Казахстаны баруун өмнөд нутгийн Актау хотын олон улсын нисэх онгоцны буудалд тус улсын агаарын тээврийн “СКАТ эйрлайнс” компанийн “Боинг-737” онгоцны хаалганы хэсэгт гал гарч шатаж, нэгэн инженер хөнгөн түлэгджээ. Мэргэжилтнүүдийн ярьснаар хүчилтөрөгчтэй сав дэлбэрсний дараа нисгэгчдийн бүхээгийн арын хэсэгт гал гарсан байна. “DV-742” нислэгийн дугаартай тус онгоц нийслэл Астана хотоос Актаугийн онгоцны буудалд газардсаны дараа шатсан юм. Хэрэв нислэгийн үеэр энэ үйл явдал тохиолдсон бол онгоц сүйрэх байсан гэж албаныхан ярьжээ.