Хөлбөмбөгийн ДАШТ-ий H болон G хэсгийн сүүлийн тоглолтууд өнгөрсөн шөнө явагдлаа. Хэсгээ тэргүүлж буй Португалын шигшээг Өмнөд Солонгосын баг 2:1 харьцаагаар хожсоноор шөвгийн 16-д шалгарлаа. Нөгөө талд дэлхийн хошой аварга Уругвайн шигшээ Ганыг хожсон ч тэмцээнээс хасагдлаа. Энэ хэсгийг 6 оноотойгоор Португал тэргүүлж, Өмнөд Солонгос 4 оноотойгоор хоёрдугаар байраар гарч ирж байгаа юм.
G хэсэгт Бразилын шигшээ 0-1 харьцаагаар Камерунд хожигдсон ч тэд хэдийн шөвгийн 16-д хэдийнэ шалгараад байсан юм. Мөн энэ хэсэгт Серби болон Швейцарын шигшээ багууд хэсгийн сүүлийн тоглолтоо хийж 2-3 харьцаагаар Швейцар хожлоо. Энэ хэсгээс Бразил, Швейцарийн багууд адилхан 6 оноотойгоор хэсгээсээ шалгарч байна.
Ийнхүү Европын 8, Азийн 3, Африкийн 2, Өмнөд Америкийн 2, Хойд Америкийн 1 улс ДАШТ-ий хасагдах шатанд үлдлээ.
2022 оны ДАШТ-ий шөвгийн 16 багийн оноолт
Нидерланд vs. АНУ
Аргентин vs. Австрали
Франц vs. Польш
Англи vs. Сенегал
Япон vs. Хорват
Бразил vs. Өмнөд Солонгос
Марокко vs. Испани
Португал vs. Швейцар