Камеруны шигшээ багийн хөлбөмбөгчид Дэлхийн аваргад оролцсоных нь төлөө олгох шагналаа голж, өчигдөр өглөө Бразил руу нисэх онгоцонд суухаас татгалзаж, зочид буудлаасаа гарсангүй. Ийнхүү хөлбөмбөгчид нь эсэргүүцэл илэрхийлсэн тул Камеруны Хөлбөмбөгийн холбоо, Спортын яамтайгаа дахин ярилцаж, тэдэнд олгох шагналын хэмжээг нэмэхээс өөр аргагүй байдалд хүрчээ.
Тоглогч бүрт Дэлхийн аваргад оролцож буйнх нь төлөө 125 мянган ам.доллар амласнаар хөлбөмбөгчдийн эсэргүүцэл өндөрлөж, тэд өчигдөр онгоцондоо сууж Бразилийг зорьсон байна.