Камбожийн засгийн газар 2018 онд жил бүрийн тавдугаар сарын 20-ны өдрийг Үндэсний Санан Дурсах өдөр болгож, бүх нийтээр амарч байх шийдвэрийг гаргаж байв.
Өчигдөр Камбожийн ард түмэн уг эмгэнэлт өдрийг анх удаа дурсаж өнгөрүүллээ.
Түүхийг сөхвөл, 1976 оны тавдугаар сарын 20-ны өдөр Пол Потын толгойлсон Улаан Кхмерүүд хүн амыг бөөнөөр хядах ажиллагааг эхлүүлсэн юм. Камбожийн нийгмийн бүтцийг өөрчлөх харгис бодлогын хүрээнд Улаан Кхмерүүд хүн амыг хотоос хөдөөд нүүлгэж, фермерийн аж ахуйд хүчээр ажиллуулж байжээ.
1975-1979 онд тогтсон энэхүү харгис дэглэмийн үед хоёр сая орчим буюу Камбожийн хүн амын дөрөвний нэг нь амь үрэгдсэн юм. Амь үрэгдсэн хүмүүсийн 60 орчим хувь нь Улаан Кхмерүүдэд цаазлуулсан бол бусад хэсэг нь өлсгөлөн, өвчний улмаас амиа алджээ.
Өчигдөр нийслэл Пном Пенээс холгүй орших геноцидийн талбар байсан газарт жүжигчид Улаан Кхмерүүдийн харгислалыг дүрсэлсэн тоглолт үзүүлсэн байна.
