Польшийн Засгийн газрын харьяа Газар нутгийн нэрийг стандартчилах хорооноос Орост булаан эзлэгдсэн Калининградыг Польшийн хуучин нэрээр нь Крулевец хэмээн нэрлэж байхаар шийдвэр гаргажээ. 1773-1945 он хүртэл Германы Дорнод Прусс мужийн засаг захиргааны төв байсан Кёнигсберг нь 1945 онд дайн дууссаны дараа ЗХУ-ын харьяанд шилжиж, 1946 оноос Калининград гэж нэрлэгдэх болсон юм. Энэхүү герман нэрийн польш орчуулга нь Крулевец, оросоор Кролевец буюу “хаантан” гэсэн утгатай үг юм.
Өнөөдөр хөрш бүх улс нь ОХУ-тай газар нутгийн ямар нэг маргаантай байгаа бөгөөд Польшийн энэхүү шийдвэр нь “Герман улс Орост алдсан газар нутгаа авахыг хүсэхгүй байгаа юм бол бид авна шүү” гэсэн анхааруулга юм. Калининградын нэрийг өөрчлөх Польшийн энэхүү шийдвэрийг Оросын эрх баригчид тун ч таагүй хүлээн авч “Түүхийнхээ туршид Польш улс Оросыг үзэн ядах галзуурал руу үе үе халтирдаг байсныг бид мэднэ” гэж Кремлийн хэвлэлийн төлөөлөгч Дмитрий Песков мэдэгдээд уг шийдвэрийг “дайсагнасан үйлдэл” гэж нэрлэжээ.
Г.АМАРСАНАА