Төв аймгийн Батсүмбэр суманд байрлах “Аваргууд академи” спорт цогцолборт бэлтгэлээ хангаж буй жүдо бөхийн олимпод оролцох тамирчид, дасгалжуулагчид Монголын багийн албан ёсны өмсгөл, мандатаа хүлээн авлаа.
“Токио-2020” Зуны XXXII олимпийн наадамд Монгол Улсаа төлөөлөн оролцох баг тамирчдад албан ёсны хувцас хэрэгсэл болон олимпын мандат гардуулах үйл ажиллагаа ийнхүү үргэлжилж байна Токио хотноо 2021 оны долдугаар сарын 23-наас наймдугаар сарын 08-ны хооронд зохион байгуулагдах олимпийн наадам эхлэхэд 16 хоног үлдлээ.
Энэхүү ёслолд БТСУХ-ны дарга Ц.Шаравжамц, Спортын анагаах ухаан, эрдэм шинжилгээний төвийн дарга Б.Эрдэнэваанчиг, Монголын үндэсний олимпийн хорооны гүйцэтгэх зөвлөлийн гишүүн Т.Амаржаргал, “Токио олимп” сангийн гүйцэтгэх захирал Ж.Ганзориг нар оролцож, баг тамирчдад амжилт хүслээ.
“Токио 2020” олимпийн наадамд оролцох Монголын тамирчин, дасгалжуулагчид 13 багц хувцас хэрэгсэл гардуулж байгаагийн 8 багц нь Michel Amazonka, 5 багц хувцас нь Японы алдарт Мизүно брэндийнх юм юм байна.