Жолоочгүйгээр уруу газар,
хүүхдүүдийг чиглэн өнхөрч явсан портерыг нэгэн цагдаа албаны машинтайгаа амжиж
урдаас нь мөргөж зогсоон, хүүхдүүдийн амийг аварчээ. Тодруулбал Чингэлтэй дүүргийн цагдаагийн хоёрдугаар
хэлтсийн эргүүлийн цагдаа жолооч, цагдаагийн ахлах ахлагч Н.Энхтүвшин өчигдөр
орой 21 цагийн
орчимд
Чингэлтэй дүүргийн 18 дугаар хороо долоон буудлын замаас Чингэлтэй салдаг
уулзвар замд албаны “киа рио” маркийн
авто машинаа жолоодон явж байх үед нь “ммс кантер” маркийн авто
машин жолоочгүйгээр уруудан урдаа байсан T.Prius маркийн авто машиныг мөргөөд
бусдад аюултай байдлаар цааш өнхөрч байх үед нь албаны авто машинаараа хааж
зогсоон, хүний амь нас, эрүүл мэнд хохирох нөхцөл байдлаас хамгаалж чадсан
байна. Эх сурвалжийн мэдээлж буйгаар цааш өнхөрч байх замд нь хүүхдүүд явж
байжээ. Хэрэв цагдаа амжиж тухайн портерийг зогсоогоогүй бол хэрхэх байсныг
төсөөлөхөд бэрх. Тиймээс амь насаа үл хайхран үүргээ биелүүлсэн цагдаагийн
ахлах ахлагч Н.Энхтүвшинд баярласанаа илэрхийлье.