Улаанбурханы 624 мянган хүн тун вакцин өчигдөр манай улсад ирсэн билээ. Үүнтэй холбоотойгоор энэ сарын 12-ноос 25-ны хооронд орон даяар улаанбурханы эсрэг иргэдийг вакцинжуулах аян эхлэхээр болсон. Тус вакцинд 18-30 насны хүмүүсийг хамруулах бөгөөд энэ насны жирэмсэн эмэгтэйчүүд вакцинд хамрагдаж болохгүйг ХӨСҮТ-ээс анхааруулж байна. Мөн вакцин хийлгэснээс хойш нэг сарын хугацаанд жирэмлэхгүй байхыг зөвлөжээ. Дашрамд дурдахад, 18-30 насны иргэд хүүхэд байхдаа улаанбурханы вакцин хийлгэсэн байсан ч дахин тариулахад харшлах зүйлгүй аж.
Та вакцинд хамрагдахын тулд:
Та ажил хөдөлмөр эрхэлдэг бол өөрийн байгууллага, сургуулиараа дамжуулан харьяа дархлаажуулалт хийх өрхийн эмнэлэг, төв дээр очиж сайн дураараа вакциндаа хамрагдах боломжтой. Харин ажилгүй иргэд тухайн амьдарч буй газрынхаа харьяа дархлаажуулалт хийх Өрхийн эмнэлэгт очин вакциндаа хамрагдах хэрэгтэй юм байна.