Английн баруун Сасикс мужийн шүүх саяхан нэгэн айлын жингийн хэт илүүдэлтэй өсвөр насны хоёр хүүхдийг гэр бүлээс нь салгаж, асрамжийн газарт шилжүүлэх шийдвэр гаргажээ. Орон нутгийн нийгмийн ажилтнууд тэдний эрүүл мэндэд санаа зовж, олон арга хэмжээ авч байсан гэнэ.
Тухайлбал, биеийн жингээ хянах Fitbit зүүдэг төхөөрөмж болон фитнесст явах эрхийн бичиг ч өгч байж. Мөн хүүхдүүдийн эцэг, эхийг сургалтад хамруулж, тэдэнд зөв амьдралын дадалд сургах, эрүүл хооллолттой холбоотой зөвлөмж олгохыг үүрэгдсэн байна. Тодорхой хугацаанд ажиглалт явуулсан ч үр дүнгээ өгөөгүй байна.
Эцэст нь аргаа барсан тэд шүүхэд хандсанаар тэдгээр хүүхдүүдийг асрамжийн газарт шилжүүлэх шийдвэр гаргасан байна.
Энэ нь анхны тохиолдол бус аж. 2012 онд Уэльсийн Ньпорт хотын зөвлөлөөс 65 кг жинтэй таван настай охиныг мөн гэр бүлээс нь салгаж, асрамжийн газарт өсгөх шийдвэр гаргаж байсан удаатай.
Д.ЦЭРЭНДОЛГОР