Монгол Улсад гарч буй нийт гэмт хэргийн 39.2 хувийг хулгайн гэмт хэрэг эзэлдэг аж. Үүнээс халаасны хулгайн гэмт хэрэг нэлээд хувийг эзэлдэг. Өнгөрсөн оны судалгаагаар 4722 гар утас хулгайн замаар алдагдсан байна. Үүний 46 хувь буюу 1939 нь I Phone, 42 хувь буюу 1772 нь Samsung, 12 хувь буюу 506 нь бусад загварын гар утас байгаа аж.
Халаасны хулгайн гэмт хэргийн улмаас жилд дунджаар 7500-8000 орчим гар утас алдагддаг. Эдгээр нь бидний нэрлэж заншснаар ченжүүдийн гараар дамжин цааш зарагддаг байна. Энэ төрлийн гэмт хэргийн хүйсийн хувьд авч үзвэл эмэгтэйчүүд давамгайлдаг бөгөөд насны хувьд 18-25 насны40 хувь, 10-17 насны 35 хувь, 28-35 нас 15 хувь, 36 наснаас дээш 10 хувийг тус тус эзэлдэг байна
Хэрэв гар утасны худалдаа эрхлэгчид нь гэмт хэргийн замаар хууль бусаар олдсон, эх үүсвэр нь тодорхой бус гар утас, эд зүйлс гэдгийг мэдсээр байж худалдан борлуулсан бол тухайн этгээдийг Эрүүгийн хуулийн 18.6 дугаар зүйлийн 1-д зааснаар Мөнгө угаах гэмт хэрэгт холбогдон шалгадаг байна. Харин хулгайчийг 7-30 хоног албадан саатуулах арга хэмжээг авдаг аж. Хулгайд алдагдсан гар утас,эд зүйлийг худалдаж авах хүн байхгүй бол хулгайн гэмт хэрэг буурах учиртай. Үүнийг хааж давхар тэмцэхгүй бол зөвхөн хулгайчтай тэмцээд үр дүн бага.