Бразилд болж буй хөлбөмбөгийн ДАШТ-ий нээлтийн ажиллагаанд дуучин, жүжигчин Женнифер Лопес оролцсон билээ. Нэрт дуучин одоогоос гурван жилийн өмнөөс нөхөр Марк Энтонигаас салж тусдаа амьдрах болсон. Харин Лос-Анжелес хотын шүүх саяхан тэдний гэрлэлтийг албан ёсоор цуцлах шийдвэр гаргажээ. Тэд 2004 онд гэр бүл болсон бөгөөд хоёр ихэр хүүхэдтэй. Салсан хэдий ч тэд сайн харилцаатай байдаг гэнэ. 2012 онд Марк Энтони гэр бүлээ албан ёсоор цуцлуулах хүсэлт гаргасан байна.